Pm Kisan Yojana List देशभरातील सुमारे ०९ कोटी 30 हजार शेतकऱ्यांना पीएम किसान सन्मान योजनेचा सतरावा हप्ता काल दिनांक 18 जून 2024 रोजी बँक खात्यावर जमा करण्यात आला आहे. या योजनेच्या सतराव्या हप्त्यामुळे ऐन खरीप हंगामाच्या तोंडावरच शेतकऱ्यांना चांगल्या प्रमाणात फायदा होणार आहे यामध्ये महाराष्ट्र राज्यात देखील ९० लाख शेतकऱ्यांच्या बँक खात्यावर काल पैसे जमा करण्यात आले आहेत परंतु अजूनही काही शेतकऱ्यांना या योजनेचा हप्ता मिळाला नाही आणि त्यामुळे शेतकऱ्यांमध्ये शंका निर्माण झाल्या आहेत याबद्दल सविस्तर माहिती तुम्हाला खाली देण्यात आली आहे.
Pm Kisan Samman Yojana Marathi
शेतकरी मित्रांनो देशभरातील सर्व अल्पभूधारक शेतकऱ्यांना शेती करण्यासाठी प्रोत्साहन देण्याकरता आणि आर्थिक सहाय्य म्हणून 2019 पासून केंद्र सरकारने पी एम किसान सन्मान योजना या योजनेची घोषणा केली आणि या योजनेद्वारे संपूर्ण देशभरातील सर्व अल्पभूधारक शेतकऱ्यांना वार्षिक 6000 रुपये देण्याची घोषणा करण्यात आली आणि या योजनेची त्वरित स्वरूपात अंमलबजावणी देखील झाली.
पी एम किसान योजनेसाठी सुरुवातीच्या काळात गाव कामगार तलाठी, कृषीक यांच्याद्वारे ऑफलाइन पद्धतीने सर्व शेतकऱ्यांना आपली आवश्यक असणारी कागदपत्रे म्हणजे सातबारा उतारा, ८ अ उतारा, बँकेचे पासबुक यांसारखी कागदपत्रे जमा करण्यासाठी आवाहन करण्यात आले होते आणि त्यानुसार पात्र असणाऱ्या शेतकऱ्यांना पीएम किसान सन्मान योजनेचा लाभ मिळण्यास सुरुवात झाली.
सुरुवातीच्या काळात ऑफलाइन पद्धतीने योजना सुरू असल्याने लाभार्थ्यांची संख्या देखील मर्यादित स्वरूपात आणि कमी असल्याचे केंद्र सरकारच्या लक्षात आल्यानंतर या योजनेसाठी ऑनलाईन पद्धतीने पोर्टल किंवा वेबसाईट सुरू करण्यात आली आणि या वेबसाईट द्वारे शेतकरी स्वतः त्यांच्या मोबाईल वरून किंवा कम्प्युटरवर अथवा आपले सरकार सेवा केंद्र आणि सीएससी सेंटर मध्ये जाऊन आपले अर्ज करू शकत होते. आणि यामुळे लाभार्थ्यांची संख्या देखील मोठ्या प्रमाणावर वाढवण्यात सरकारला यश आले. आजवर या योजनेअंतर्गत प्रत्येकी लाभार्थी शेतकऱ्याला २००० रुपयाप्रमाणे १७ हप्ते वितरित करण्यात आले आहेत.
Pm Kisan Samman Nidhi Yojna 17 Installment List
या शेतकऱ्यांना नाही मिळाला पीएम किसान योजनेचा १७वा हफ्ता –
काल दिनांक 18 जून 2024 रोजी सर्व शेतकऱ्यांच्या बँक खात्यात दोन हजार रुपये जमा झाले आहेत परंतु काही शेतकऱ्यांना मात्र या योजनेचा सतरावा हप्ता मिळाला नसल्याचे लक्षात आले आहे आणि त्यामुळे शेतकरी आता संभ्रम अवस्थेत असल्याचे पाहायला मिळत आहे परंतु शेतकरी मित्रांनो तुम्हाला जर पीएम किसान योजनेचा सोळावा हप्ता मिळाला असल्यास तुम्हाला याबद्दल कोणतीही काळजी करण्याची आवश्यकता नाही कारण काल संध्याकाळी उशिरा या योजनेसाठी हप्ता वितरित करण्यात आल्याने अनेक बँकांचे सर्वर डाऊन किंवा प्रोसेस मध्ये वेळ घेत असल्याने अद्याप शेतकऱ्यांच्या बँक खात्यावर हप्ता जमा झाला नाही.
हफ्ता जमा झाला नसल्यास करा हे काम –
त्यामुळे शेतकऱ्यांनी कुठेही जायची गरज नाही आणि वाट पाहायची आहे कारण काही वेळा बँका हे पेमेंट प्रोसेस करायला वेळ घेत असतात आणि अशा मुळे शेतकऱ्यांना एक ते दोन दिवसात देखील हप्ता जमा होऊ शकतो वाट बघूनही हप्ता जमा न झाल्यास शेतकऱ्यांनी पीएम किसान च्या अधिकृत वेबसाईटवर जायचे आहे आणि त्या ठिकाणी तुमचा बेनिफिशरी स्टेटस चेक करायचा आहे त्यामध्ये सर्व गोष्टी क्लियर असल्यानंतर तुम्ही पीएम किसानच्या हेल्पलाईन ला संपर्क साधून तुमचा हप्ता प्रोसेस करताना कोणती अडचण आली आहे हे देखील विचारू शकता आणि त्याचे निवारण देखील करून घेऊ शकता.Pm Kisan Yojana List
